Printzipio hauekiko errespetua zaintzeak, EBk bere eskuhartzea, marko globalagoan eragiten duelako,herritarrengandik hurbilago dauden erakundeena baino eraginkorragoa denean arautzea bilatzen duenak "europar erakundeei gardentasun eta parte hartze handiagoa emango lieke".

Izaskun Bilbao Barandicak zehaztu duenez aplikatutako prozedurak "eskasak eta formalistak izateaz gain, parte interesatuei, bereziki, eskumen legegilea duten europar erregioei epe laburregiak eskaintzen dizkiete". Era berean kexatu da betetze eza eman dela txosten hauetan erregioen parte hartze printzipioaren praktikan, printzipio hori Lisboako Itunak berariaz jasotzen duen arren.

“Estatu batzuetan, nirean, esate baterako, estatu baten iritzia ezartzeko prozedurak ez du bermatzen erregioen irizpidea arreta goiztiarreko txostenetan agertzea, ikuspuntua estatuarenarekin bat egiten ez badu. Subsidiariotasun alorrean hutsune hori badugu pentsa ezazue zer gertatuko ote den legez arautzen diren gaien funtsarekin. Bidean galtzen den guztiak europar erakundeak hiritarrengandik urruntzen ditu eta gardentasuna eta parte hartzea kaltetzen ditu”.

“Azken finean, amaitu du EAJ-PNVren Estrasburgoko ordezkariak, gai hau seriotan hartu behar dugu benetan federalismoan eta Batasunaren kontzeptuan sinesten badugu, Batasunak kideen batura esan nahi duelako. Hori sustatzeko onena da europar politikak ukitzen dituen erakunde guztiak adinez nagusiak direla ulertzea”.