Epaimahaiko kide batek bere erabakian atzera egin ondoren, euskal eurodiputatuak uste du Europaren bitartekaritza hori “garaiz dagoela Pablo Ibarren bizia bihurtu den terrorezko luzemetrai horrek amaiera bidezko eta,beraz, zoriontsua izan dezan”.

ALDE taldeko presidenteorde andreak nabarmendu duenez “hauxe da Pablo Ibarren kasua,Europako hiritar batena, duela 25 urte egin zen erailketa hirukoitzaren errudun deklaratu dutena”. Jarraian gogoratu du epaiketara joan diren begirale gehienen iritzia izan dela “broma dirudiela Pablo gertakarien lekuan kokatzeko balio ez duten zantzu ahulak ebidentziatzat jo izanak”. Era berean azpimarratu duenez “bere erabakian atzera egin berri duen epaimahaiko kide batek kontatu duenak ere azaltzen ditu errudun jotzera eraman zuten aurreiritziak eta presioak”.