Izaskun Bilbaok  adierazi duenez  txalogarria da “%70ko parametroa ezartzea defendatzen zutenek eta %55koa defendatu genuenok azkenean gai izan garela txosten horretan jasotzen den testua elkarrekin babesteko”.

Europako Parlamentuak atzo bertan  hartu zuen erabakiaz geroztik, txostengileek testu horretan jasotzen diren edukiak negoziatu beharko dituzte, hain zuzen ere  negoziatzeko  agindu bat izango da Europako Kontseiluaren mahaian esertzen diren Estatu kideetako Gobernuentzat. Prozesu honetatik aterako den akordioa Europako Parlamentura itzuliko da behin betiko onartua izan ondoren eta Europako Lege bihur dadin.Ondorioz, hurrengo urratsa izango da prozesu horrek inplikatzen duen  ahalegina negoziaketan jartzea. Momentuz, ez dago jakiterik Europako Kontseiluak hasiera batean defendatuko duen jarrera  zein izango den.

Izaskun Bilbao Barandicak nabarmendu du testu hori izan dela Europako Parlamentuaren ezaugarri den politikagintzaren fruitua. “Egin ahal direnak eta akordioak lehenetsi dira jarrera maximalisten gainetik. %70aren alde bozkatu zutenek eginiko ahalegina txalotu nahi dut, azkenean azken testua onartzea erabaki dutelako beren asmoak hamar puntutan jaitsi arren. Zentzu berean nabarmendu nahi dut gu ere mugitu ginela, hasiera batean %55 murriztea planteatu genuelako eta azkenean, zuzenketen bidez, %60aren alde agertu ginelako. %60ko helburu hori jasotzen duen azken testua onartu genuen guztiok uste dut pozten garela hemen lan egiteko modu egoki hau lehenetsi delako beste esparru batzuetan ikusten dugun ikuskizun negargarriaren alderatuta, horietan sekula ere ez dutelako akordioetara iristeko borondaterik agertzen”.  

“Alderantziz, batzuen helburua da aurkari politikoaren izen ona zikintzea, horretarako gezurrak esan behar badira ere. Nik, egia esan, nahiago dut  aurrera egitea, aldatzea, gaur egungo egoera hobetzea ahalbidetuko duten erabakien bidez eraikitzea,joko horretan sartzea baino. Garrantzia daukan gauza bakarra da gure arteko ezbaiek ez digutela eragotzi isurketen %60 murrizteko helburua  planteatzen duen  txosten hori elkarren eskutik babestea.