EAJ-PNV Nafarroak positibotzat jo ditu beken eta I+G+Bren eskumenak Nafarroara transferitzeko lehen urratsak, eta gogorarazi du EAJ-PNVren eta PSOEren arteko akordioan jasotako konpromisoetako bat dela Pedro Sanchezen egungo inbestidura bermatzeko.

Unai Hualde Napar Buru Batzarreko presidentearen ustez, "Nafarroak beka eta I+G+b eskumenak bere gain hartu ahal izateko lanen hasiera albiste ona da EAJ-PNV eta PSOEren arteko akordioan hitzemandako epeak bete ahal izateko".

Hualdek adierazi duenez, "beken eta I+G+Bren eskumenak bereganatzea beste urrats bat izango da gure autogobernuaren eta egungo Foru Hobekuntzaren garapenerako bide bihurrian", eta adierazi duenez, "EAJ-PNVk ez du gure ahaleginean atzera egingo, Nafarroak autogobernuak herritarren bizitza hobetzeko ematen dizkigun tresna guztiak izan ditzan, eta, horretarako, lanean jarraitu behar dugu egungo Foru Hobekuntzan jasotako eskumen guztiak bereganatzeko".

Azkenik, Napar Buru Batzarreko presidenteak ohartarazi duenez, "ordezkaritza dugun erakundeetatik erne jarraituko dugu EAJ-PNV eta PSOEren arteko akordioan aurreikusitako epeak bete daitezen, bi eskumenak transferitzeko". "Bere garaian baloratu genuen garrantzitsua zela konpromiso horiek, Nafarroako Gobernuaren Akordio Programatikoan jasotakoak horiek ere, denboran zehar tasatuta egotea", ondorioztatu du.